ودارت الأيام .... كل سنة واحنا متجمعيين وبخير !!

السلام عليكم ورحمة الله وبركاته
بسم الله الرحمن الرحيم

اخواتى واخوانى الماى ايجاوية الكرام
اخباركم ايه ؟!! عساكم بخير جميعاً

مش عارف ابدأ بـ ايه ولا منين ومش هقدر اوصفلكم احساسى وساعدتى النهاردة قد ايه ؟!!
النهاردة مش هقولكم كل سنة وانتم طيبين بمناسبة رأس السنة الميلاديه مع كامل الأحتفاظ بما فى القلوب من حب واحترام لأخوتنا المسحيين متمنياً لهم عام سعيد
عليهم وعلينا اجمعين بأذن الله ...

لكن هقولكم كل سنة واحنا بكل خير ومتجمعين
تالت يوم يمثل رأس السنة الميلاديه بنقضيه سوا
طبعاً فى ناس اقدم منى يابختها وبحقد عليها ،،،

تلت سنين بالنسبالى من اهم تلت سنين فى حياتى سواء فى حياتى الشخصية
او بينكم هنا ،،،

اول مادخلت المنتدى هنا مكنتش اعرف اى حاجة فى اى حاجة
واتعلمت كل شئ على ايد اخواتى الكبار والى انا مادينلهوم بكامل الفضل
فى اى شئ وصلتله ...

اصلاً قبل ماعرف ماى ايجى انا كنت بكره حاجة اسمها منتديات
ورافض الفكرة تماماً .. كنت فاكرها كلها مشكور والجو ده ،،،

هنا فى ماى ايجى اتعلمت كتير سواء فى حياتى الشخصية
او على النت عموماً ،،
وكل يوم كان بيعدى عليا وانا هنا كان بيزيد ارتباطى بالمكان وحبى للناس الى فيه

اتخنقنا وزعلنا واتصالحنا وفرحنا زى اى اخوات فى بيتهوم
عندى كلام كتير اوى نفسى اقوله وعندى رسايل كتير
نفسى اوجها لأشخاص معينة بس لو عملت كده هحتاج قسم
اكتب فيه لوحدى ،،،،

التوبيك مالهوش هدف غير بس انى حبيت
اقولكم كل سنة وانتم طيبين وان شاء الله دايماً متجمعين
وسنة جديد ربنا يكتبلنا فيها كل خير للأمة العربية والاسلاميه جمعياً
ولبلدنا الغاليه ربنا يحفظها ونرجع احسن من ماكنا عليه

فى كلمة عايز اوجها لشخص معين من غير ماقول اسمه
هو عارف نفسه
انا بعزك اوى ياد وبحبك فى الله ... ربنا مايحرمنيش منك
اجدع اخ وصاحب

ورساله تانيه لشخص تانى انت حد عزيز عليا اوى
رغم اى شئ وبدعى من كل قلبى ربنا يحفظك ويوفقك

وهطلب منكم طلب صغير
تعالو نبدأ السنة الجديدة واحنا ناسيين اى زعل سواء هنا او فى حياتنا
وكل الى فى قلبه حاجة لأى حد يصارحه بيها ونصفى نفوسنا وقلوبنا
مع انى واثق ان الى بيجمعنا اكبر بكتير من اى زعل ،،
وانا من هنا بتأسف لأى حد زعلتوا فى يوم بقصد او من غير قصد !!

ربنا لوحده الى يعلم ماى ايجى بناسها بالنسبالى ايه
وغلاوتكم جميعاً عندى قد ايه ... وربنا مايحرمنا من بعض

وطلب تانى : عايز اى حد يدخل التوبيك
يكتب بأى شكل وبأى لغة
Luv u MyEgY
البيت الى مجمعنا ومقربنا وعرفنا على بعض

شكراً ايهاب وخالد من كل قلبى
شكراً لكل واحد تعب علشان الموقع ده يكبر ونوصل للى احنا فيه
شكراً لكل اعضاء ماى ايجى على وجودهم ورحهوم الى هى جزء من المكان
وقبل اى شكر لأى شخص
الحمد لله الذى جمعنا بالخير وعلى الخير
واللهم دُم علينا نعمة القرب ولا تفرقنا ابداً
اللهم امين

سورى على عدم تنسيق التوبيك والكلام ملغبط
بس انتو عارفين الى فيها

[ندعوك للتسجيل في المنتدى أو التعريف بنفسك لمعاينة هذه الصورة]

كل سنة و انت طيب اخى
شكرا لك ماندو

كل سنة وانتو طيبيبن والامة العربية والاسلامية طيبة